Ungdomsleiar i Os sokn

Vi søker ein engasjert og erfaren ungdomsleiar som kan drive og vidareutvikle vårt ungdomsarbeid. Dette er i utgangspunktet eit vikariat fram til sommaren 2024, med gode moglegheiter for forlenging til fast stilling.

Bjørnafjorden kyrkjelege fellesråd består av dei to sokna Os og Fusa. I Os bur det litt meir enn 20 000 innbyggjarar og kyrkjelyden har 2 kyrkjer, i tillegg til eit stort kyrkjelydshus i Os sentrum, Tunet kyrkje- og kultursenter. Os ligg om lag 3 mil frå Bergen, med godt kollektivsamband til og frå sentrum.

Os er i rask vekst med store barne- og ungdomskull. Årleg konfirmantkull er på rundt 160 ungdommar. Kyrkjelyden har eit levande ungdomsarbeid. Kyrkjelyden har ulike tilbod for og med unge, som Tensing-kor og fredagskveldar med opent hus, leirhelgar og tett samarbeid med m.a. Ungdoms-KRIK. Konfirmanttilbodet er samordna med det eksisterande ungdomsarbeidet.

I denne jobben vil du bli kjent med ei fantastisk ungdomsgruppe, i tillegg til dyktige medarbeidarar i stab og ei engasjert foreldregruppe. Du får handlingsrom og beslutningsansvar som gjer at du både får fridom og ansvar for å ivareta og utvikle heilskapen i tilbodet for ungdom. Du er i tillegg del av teamet kring konfirmantane og større arrangement som den årlege julemessa, der overskotet går til barne- og ungdomsarbeid. Det må påreknast ein del kveldsarbeid (fyrst og fremst onsdag og fredag) og noko helgearbeid.

• Søknadsfrist: 11.06.2023
• Arbeidsgivar: Bjørnafjorden kyrkjelege fellesråd
• Stad: Os
• Stillingstittel: Ungdomsleiar i Os sokn
• Stillingar: 1
• Heiltid/Deltid: Heiltid
• Tilsetjingsform: Fast
• Stillingsprosent: 100
• Webcruiter-ID: 4671219801

Arbeidsoppgåver

• Formidling av kristen tru og soknet sin visjon «Nær Kristus, nær kvarandre, nær kvardagen» på ein engasjerande og livsnær måte til unge menneske
• Relasjonsbygging med ei stor gruppe ungdommar, foreldre og frivillige medarbeidarar
• Planlegging og gjennomføring av sosiale og trygge ungdomsarrangement, primært fredagar
• Konfirmantarbeid i samarbeid med kateket, prest og øvrig stab, primært onsdagar
• Leiing av TenSing-kor, primært onsdagar
• Program for leiartrening i samarbeid med ansvarleg prest
• Rekruttere, følgje opp og rettleie frivillige medarbeidarar i ungdomsarbeidet
• Bruk av sosiale medier til marknadsføring av tiltak og arrangement

Ynskjelege kvalifikasjonar

• Erfaring frå kristent ungdomsarbeid og/eller leiartrening for unge
• Leiarerfaring er ein fordel
• Erfaring frå musikkarbeid er ein fordel
• Utdanning innan kristendom, teologi og/eller ungdomsarbeid

Ved tilsetjing legg vi stor vekt på personlege eigenskapar og motivasjon for stillinga.

Personlege eigenskapar – vi ynskjer søkarar som:

• Trivst og har erfaring med arbeid blant ungdom
• Kommuniserer godt med både ungdom og vaksne
• Har gode samarbeidsevner og likar å jobbe i effektive team
• Er strukturert og sjølvstendig i arbeidskvardagen
• Er medlem av Den norske kyrkja

Den som vert tilsett vil bli bede om å framlegga tilfredsstillande politiattest

Vi ynskjer eit mangfaldig kollegium i kyrkja og vil særskild oppmode menneske med ulike minoritetsperspektiv om å søke. Vi vil legge til rette for medarbeidarar som har behov for dette.

Vi tilbyr

• Engasjerte og fagleg dyktige kollegaer
• Lønn etter avtale/kvalifikasjonar i samsvar med KA sin tariff
• Spennande og allsidige arbeidsoppgåver
• Fleksibel arbeidstid
• God pensjonsordning

Søknadsfrist: Snarast og innan 11.06.2023
Kandidatar vert fortløpande kalla inn til intervju.

Øyro 49, 5200 Os, Norge

Søk her

Kontaktinformasjon

Sigurd Rotvik Tunestveit
Dagleg leiar Os sokn
 Telefon:93869009
E-post:st575@kyrkja.no