Geodatamedarbeidar - Regulering, byggesak og oppmåling (søknadsfrist 21.05.2023)

ID 2020 Geodata medarbeidar – Regulering, byggesak og oppmåling

RBO har i dag 13 medarbeidarar og me er tilknytt overordna fagkontor plan. Me held til i rådhuset i Leirvik sentrum.

Det er ledig fast 100% stilling som geodatamedarbeidar.

Stillinga er nyoppretta og vil inngå i vårt karttekniske team.

Kartteknisk avdeling nyttar i dag fagprogramma Gisline, Focus arealplan, Q-gis. Me deltar i regionale nettverk og samarbeid (t.d. geovekst, FGU, DigiVestland). I arbeidet har me god dialog med samarbeidskommunar, systemleverandørar, Kartverket og IKT-avdelinga i kommunen

Stillinga vil inngå i eit team som utfører karttekniske oppgåver

Kontroll av digitale plandata
Produksjon av plankart (reguleringsplan- og kommuneplannivå)
Kartteknisk støtte for sakshandsamarar ved eininga, for fagkontor plan (overordna planarbeid) og andre kommunale einingar
GIS-analysar og temakart
Halde oversikt over- og ha kunnskap om temadata i det offentlege kartgrunnlaget(DOK)
Ajourhald av m.a. kartgrunnlag, planregister og matrikkel
Administrasjon og utvikling av systemverktøy

Personlege eigenskapar

Kommuniserer tydeleg, arbeider strukturert og sjølvstendig
Har motivasjon og evne til å vera med å vidareutvikla kart som informasjonssystem og høyringsplattform i planprosessar
Er utviklings- og løysningsorientert i møte med anna fagpersonell, eksterne samarbeidspartnarar og utbyggings- og konsulentbransjen
Er initiativrik, har god relasjonskompetanse og samarbeidsevner
Har god munnleg og skriftleg framstillingsevne (nynorsk skriftmål)
Har god digital kompetanse og forståing
Har god forståing for offentlege prosessar og forvaltning

Kvalifikasjonar

Høgare utdanning innan t.d geomatikk, ingeniør, geografi, fordjuping GIS
Relevant utdanning på minimum bachelornivå
Erfaring innanfor fagområda kart og plan
Erfaring i bruk av Gisline, Focus arealplan og Q-gis er ynskjeleg
Personlege eigenskapar vil bli vektlagt

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga.

Me tilbyr

Faglege og spanande utfordringar i eit godt og hektisk arbeidsmiljø
Løn etter avtale
Gode pensjons- og forsikringsordningar
Medlemskap i Stord kommune ve og vel med bl.a. husvære i Røldal, hytte på Husøy inkl. båt, utleige av tilhengarar, m.m.

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.

Ta gjerne kontakt for ein uformell samtale med einingsleiar Elisabeth Gjerde, tlf. 469 64 985

Offentlig tenestepensjon i KLP – Kort fortalt

Om arbeidsgiveren

Arbeidsgiver: Stord kommune
Adresse: Lønningsåsen 1, 5417 Stord

Stord kommune er kommunikasjons- og regionsenter i Sunnhordland, og ligg sentralt mellom Bergen og Stavanger. Stord er ein utviklingsorientert industrikommune med ein maritim sektor som er verdsleiande m.a. når det gjeld å utvikle grøne løysingar. Kommunen har ambisjonar som ein attraktiv vekstkommune under visjonen <<Saman om utvikling og velferd>>, og har mål om å bli nullutsleppskommune innan 2030. Stord har mange og varierte tilbod innanfor privat og offentleg tenesteyting, handel og undervisning, idrett, kultur og friluftsliv. Kommunen har nær 19.000 innbyggjarar.

Om stillingen