Øygarden kommune – Arealplanleggar 100% fast stilling (søknadsfrist 15.04.2026)

Øygarden kommune Innkjøp og investering

Anskaffingsrådgjevar bygg og anlegg 100% fast stilling

Ønskjer du å jobba med anskaffingar av byggje- og anleggskontraktar i ein kommune med driv? Vi søkjer ein anskaffingsrådgivar som vil arbeida tett på prosjekt som skular, sjukeheimar, omsorgsbustader, idrettshallar, veganlegg, kaiar, bruer og annan infrastruktur.

Stillinga er organisatorisk plassert i innkjøpsavdelinga, men du vil arbeida tett mot utbyggingsavdelinga og vera ein del av prosjektmiljøet der. Rolla ligg i grensesnittet mellom anskaffingar og prosjektgjennomføring, og du skal bidra til gode og effektive anskaffingar i utbyggingsprosjekta til kommunen.

Anskaffingsrådgivaren skal sikra profesjonelle, lovlege og strategiske anskaffingar i byggje- og anleggsprosjekt. Stillinga skal bidra til effektiv prosjektgjennomføring gjennom god planlegging av anskaffingar, høg kvalitet i konkurransegrunnlag og god kontraktsoppfølging på overordna nivå. Rolla skal styrkja etterleving av regelverket for offentlege anskaffingar og bidra til god kommersiell styring i prosjekta.

I større prosjekt nyttar vi primært samspel eller totalentreprise, ofte i kombinasjon. Mindre prosjekt gjennomfører vi som regel gjennom avrop på rammeavtalar for utførande fag. Eininga har særleg ansvar for avtalar innan prosjektering, prosjektadministrasjon og rammeavtalar knytte til utførande fag.

Arbeidsoppgåver:

Utarbeida anskaffingsplanar for prosjekta i tett samarbeid med prosjektleiar
Bidra i vurdering av gjennomføringsmodell, entrepriseform og kontraktsstrategi
Gjennomføra marknadsdialog med leverandørmarknaden ved behov
Utarbeida konkurransegrunnlag og bidra til gode evalueringsmodellar
Planleggja og gjennomføra konkurransar i tråd med regelverket for offentlege anskaffingar
Bidra i vurdering av tilbod og tildeling av kontraktar
Følgja opp og vidareutvikla sentrale rammeavtalar
Bidra til god kontrakts- og avtaleoppfølging

Kvalifikasjonar:

Relevant høgare utdanning på masternivå, til dømes juridisk embetseksamen/master i rettsvitskap, siviløkonom eller anna relevant utdanning. Ved særleg relevant erfaring med offentlege anskaffingar kan utdanningskravet fråvikast.
Kunnskap om regelverket for offentlege anskaffingar
Erfaring med anskaffingar innan byggje- og anleggsprosjekt
Erfaring med kontrakts- og avtaleoppfølging
Kjennskap til ulike entreprisemodellar og gjennomføringsmodellar
God munnleg og skriftleg framstillingsevne på norsk

Personlege eigenskapar:

Strukturert og analytisk
Gode samarbeidsevner og evne til å arbeida i tverrfaglege prosjekt
Evne til å balansera framdrift, kvalitet og regelverk
God skriftleg og munnleg framstillingsevne
Høg integritet og god rolleforståing

Anna:

Dei formelle krava til utdanning og erfaring må dokumenterast med vitnemål og attestar. Dokumentasjonen må lastast opp i søkjarportalen ved søknad.

Vi tilbyr:

Gode pensjons- og forsikringsordningar
IA-bedrift
Motiverte og kunnskapsrike kollegaer
Interessante utfordringar
Høve til fagleg og personleg utvikling

Kontakt:

Leiar innkjøp: Margunn Wikum-Olsen, mob. 957 29 089

Leiar utbyggjing: Christian Alsaker, mob. 991 13 416

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.

Søk på stillinga her.

Referansenummer: 2026/7413

Fylke: Vestland

Jobbtype: Fast

Heiltid/Deltid: Heiltid

Arbeidstid: Dag

Søknadsfrist: 14.04.2026

Tiltreding: Etter avtale

Arbeidsstad: Straume

Kontaktpersonar:

Margunn Wikum – Olsen

mob: +47 95729089

Heimeside: oygarden.kommune.no

Adresse: Foldnesvegen 1 5354 Straume

Øygarden kommune

Øygarden kommune er den nest største kommunen i Vestland fylke med om lag 39 850 innbyggjarar og om lag 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong, Ågotnes og i Skogsskiftet. Administrasjonsspråket i Øygarden er nynorsk.

Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.