Prosjektleiar investeringsprosjekter – Prosjekt og utvikling (søknadsfrist 10.10)

Ullensvang kommune Prosjekt og utvikling

Prosjektleiar

 

Vil du vera med å utvikle Ullensvang Kommune?

Me treng dyktig, løysingsfokusert og positiv prosjektleiar på laget vårt i Prosjekt og Utvikling – tenesteområde under sektoren Teknikk og Miljø. Ein spennande jobb i eit godt fagmiljø, på ein arbeidsplass det er lett å trivast.

100% FAST STILLING SOM PROSJEKTLEIAR.

Du vert del av laget på tenesteområdet Prosjekt og Utvikling, eit sterkt lag som har ansvar for investeringsprosjekta i Ullensvang kommune. Det er stor aktivitet på både store og små investeringsprosjekt i åra som kjem innan nybygg, renovering av kommunale bygg, veg og park-anlegg, ras- og flaumsikring og ikkje minst VA/vatn- og avlaupsanlegg.

Hovudarbeidsoppgåva vil vere å ha ansvar for, og gjennomføre investeringsprosjekt.

Me ser etter deg som:

har erfaring og god kompetanse innan prosjektleiing

er løysingsfokusert og ser etter moglegheiter

er engasjert, fleksibel og likar utfordringar

er strukturert og resultatorientert

er målretta og har evne til å jobbe sjølvstendig

er framoverlent og likar god framdrift

har gode samarbeidsevner og likar lagarbeid

viser stoltheit for arbeidsplassen og er ein god omdøme-byggjar

trivast med å jobbe tverrfagleg

er glad i deling av kunnskap og involvering

har positiv haldning og godt humør

er ein god bidragsytar til eit inkluderande og godt arbeidsmiljø.

Kvalifikasjonar:

Høgare utdanning innan ingeniørfag eller annan teknisk kompetanse.

Erfaring frå prosjektleiing innan byggfag, VA eller vegprosjekt. I denne utlysinga legg me spesielt vekt på VA-kompetanse.

Erfaring frå kommunal sektor er fordel men ikkje eit krav.

Kunnskap og erfaring innan klima, energi og miljø er ynskjeleg.

Struktur og budsjett-disiplin i prosjektgjennomføring.

Gode datakunnskapar og evne til å setje deg inn i og bruke ulike program og system.

Gode norskkunnskapar, både skriftleg og munnleg. Vårt skriftspråk er nynorsk.

Førarkort klasse B, og du må disponere eigen bil i teneste.

Me tilbyr:

Unik moglegheit å vere med å utvikle nye Ullensvang kommune.

Variert stilling med mange oppgåver og stort ansvar.

Utvikling av eigen kompetanse.

Eit sterkt lag og godt fagmiljø.

Eit godt og positivt arbeidsmiljø.

Arbeidsplass i Odda eller Kinsarvik.

Løn etter avtale.

Fleksibel arbeidstid og fleksibilitet i bruk av heimekontor.

Gode offentlege tariffesta pensjons- og forsikringsordningar.

 

Stillinga er ledig frå 01.11.2021 eller etter avtale.

 

Fylke: Vestland

Jobbtype: Fast

Heiltid/Deltid: Heiltid

Arbeidstid: Dag

 

Søknadsfrist: 10.10.2021

 

Arbeidsstad: Ullensvang kommune

 

Kontaktpersonar:

Marit Ystanes

mob: +47 926 82 815

 

Heimeside:
ullensvang.kommune.no

Ullensvang kommune Prosjekt og utvikling
– ein ny, livskraftig og attraktiv kommune i Hardanger.

Ullensvang kommune er ein attraktiv stad å bu, arbeida og starta næringsverksemd! Vi kan tilby spennande og meiningsfulle arbeidsoppgåver i ein kommune som er i utvikling. Her finn du fjord, fjell, fonn, frukt, landbruk, havbruk og verdsleiande industri i ein og same kommune. Kommunen har omlag 11 100 innbyggjarar, der Odda er administrasjonssenter i kommunen omkransa av sterke bygder.

Oppdraget vårt er å levera gode tenestar, vera ein god samfunnsutviklar og arbeide for vidare vekst og utvikling i kommunen. Gjennom motiverte og dyktige medarbeidarar løyser vi dette viktige samfunnsoppdraget, og ynskjer å ha fleire med på laget.
Tar du utfordringa ?