Samfunnsplanleggar (søknadsfrist 17.09)

Samfunnsplanleggjar i Noregs friluftshovudstad

Ullensvang er Noregs Friluftshovudstad! Her er alt lagt til rette for både det nære og det spektakulære friluftslivet, og vegen til dei minneverdige naturopplevingane er kort. Uansett om du går til dei høgaste toppane eller sitt på ein benk ved fjorden, kjem du tett på naturen og opplevingar som blir med deg vidare i livet.

Friluftshovudstaden er i ei spanande utvikling. Turisme, landbruk og industri har stor vekst, noko som fører til at vi òg treng fleire flinke medarbeidarar i kommunen.

Kommunen har omlag 11 100 innbyggjarar, der Odda er administrasjonssenter omkransa av sterke bygder. Oppdraget vårt er å levera gode tenester, vera ein god samfunnsutviklar og arbeide for vidare vekst og utvikling i kommunen. Gjennom motiverte og dyktige medarbeidarar løyser vi dette viktige samfunnsoppdraget, og treng no å ha fleire med på laget.

Tar du utfordringa?

 

Ledig stilling som samfunnsplanleggjar

 

For å styrkje utviklinga av kommunen ynskjer me å tilsetja ein drivande og engasjert samfunnsplanleggjar i 100% fast stilling. Stillinga ligg til verksemd for Samfunnsutvikling og plan i Ullensvang kommune. Verksemda har i dag 7 tilsette, og det er kontorfasilitetar i Odda, Jondal og Kinsarvik. Ein vil vere fleksibel i høve til arbeidsstad.

Arbeidsoppgåver:

Arbeidsoppgåvene vil vere knytt opp til alle nivå av areal- og samfunnsplanlegging. Hovudmengda av arbeidet er knytt til utarbeiding av kommunale reguleringsplanar og handsaming av private planframlegg. I tillegg vil ein bidra inn i fagmiljøet og i ulike utviklingsprosjekt i kommunen.

Ynskte kvalifikasjonar:

Minimum 3- årig høgare planleggjarutdanning, evt. ingeniør, arkitekt eller landskapsarkitekt med relevante fagkretsar
Kjennskap/ erfaring til aktuelt lovverk og erfaring frå fagområda
Kjennskap/ erfaring innan GIS og kartsystemet GISLINE som kommunen nyttar
Gode evner til skriftleg, munnleg og visuell presentasjon
Administrasjonsspråket i Ullensvang kommune er nynorsk

Eigenskapar:

Ynskje om å delta aktivt i utviklinga av den nye kommunen
Evne til å arbeida systematisk
Gode gjennomføringsevner
Gode samarbeids- og kommunikasjonsevner
Fleksibilitet og positiv innstilling
Personlege eigenskapar vert vektlagt

Me tilbyr:

Fast 100 % stilling
Varierte arbeidsoppgåver i eit kompetent og utviklingsretta fagmiljø
Løn etter avtale
Gode moglegheiter for å utvikla kommunen, tenesta og eigen kompetanse
Ullensvang kommune har inkluderande arbeidsliv (IA), fleksibel arbeidstid og gode permisjons- og pensjonsvilkår

Fylke: Vestland

Jobbtype: Fast

Heiltid/Deltid: Heiltid

Arbeidstid: Dag

Arbeidsstad: Odda

 

Søknadsfrist: 17.09.2021

 

Kontaktpersonar:

 

 

Heimeside:
ullensvang.kommune.no